紅油炒手 Dumplings in Chilli Oil

最近兩次出街食上海野都有叫紅油炒手
第一次係辣椒油湯加雲吞, 一睇個樣已經心之不妙, 雲吞淡而無味, 個湯雖然有好多辣椒粒但係依然係唔辣, 一啲都唔正宗

第二次食就正宗得多, 仲加咗好多青瓜絲同麻醬試圖中和啲辣味, 但係依然係辣到飛起, 就算用茶沖沖都係辣到食唔到

既然係出面食唔到啱自己口味, 咁就要自己出手煮啦！

杞子雲耳滑雞煲仔飯

杞子雖然唔係咩名貴食材, 不過佢既營養價值非常高

杞子含有豐富的枸杞多糖、脂肪、蛋白質維他命B1、維他命B2、維他命C、維他命E及多種微量元素,有助提高身體的免疫力

而當杞子遇上...

菊　花：加強明目功效，又能緩和杞子燥性

紅　棗：加強健脾養血功效，尤適合血虛人士

圓　肉：加強養血安神功效，尤適合血虛失眠人士

玫瑰花：可疏解肝氣，又能美容祛斑，活血調經

咕嚕肉 Sweet and Sour Pork

唔知點解啲鬼佬好鍾意食sweet and sour pork 同honey chicken, 每次去餐廳同food court都例牌叫到人食, 可能因為係炸野同啖啖肉啦
老公都好鍾意食, 不過當佢見到我呢碟第一句就話點解唔係炸既？？？

鐵鑄鍋雲吞雞

沙鍋我就無, 鐵鑄鍋就一大堆
邊樣好味d我就無硏究過, 但係我覺用staub煲湯比高速煲更入味
只係煲大半個鐘已經好似煲左兩三個鐘咁, 好適合我呢d放咗工要煮飯既偽少奶奶用

承傳咗爸爸既絕技, 我包既上海雲吞都算睇得又食得, 老公仲話呢個係我既signature dish!

蒜蓉粉絲蒸開邊蝦

以前我好怕蒸野, 一來要用個大鑊, 放咗個鑊係爐面基本上其他爐頭都用唔到
二來煮好之後勁多蒸氣, 拎隻碟出黎既時候成日都辣親手(<---好明顯我唔係主婦)
不過自從學識用LC buffet做無水蒸之後, 煮蒸既餸菜係多咗
而且蒸餸唔使落油, 功夫又唔多, 真係健康又方便

酸辣湯麵 Shanghainese Hot & Sour Soup

有時老公出街食飯, 試過d咩好食, 又或者見到餐牌幅圖好靚就會問我識唔識煮呀, 可唔可以下次煮畀佢食
老公真係太睇得起我, 但係我又衰, 成日都唔記得煮, 搞到佢個wish list越來越長

酸辣湯係我地每次去食上海野都一定會叫, 通常一碗要成5,6蚊, 今次煮咗一大鍋都只係10蚊到, 加個上海麵就可以當正餐咁食

老公仲清晒成鍋, 一滴都冇剩！

終於可以係個wish list到删走酸辣湯啦啦啦...

鯉魚椰汁年糕

 太可愛!實在係太可愛啦!
上次返香港行過上海街見到有鯉魚模就忍唔住買個返黎玩下
等咗幾個月終於可以用佢啦!

噚日捉住老公要佢陪我玩, 每人整3條
嗰條搽咗唇膏既就係老公既傑作啦

香辣可樂雞柳 Cola Chili Chicken

由於買唔到罐裝可樂, 於是就買咗枝2L返黎
原味既太甜所以我地已經戒飮咗好耐
正當我諗緊點消滅佢好
我：整可樂雞翼都好喎
老公：咩你今晚唔係整雞翼咩？
我：唔係呀, 今晚整雞肉
老公：哦...即係你仲可以買雞脾,雞胸同雞腳...

台式鐵板豆腐 Taiwanese style tofu on hot plate

 星期六一早起身第一時間就係去敗咗個廚房新玩具返黎
雖然唔係LC, 不過佢都係cast iron黎架
燒熱咗個鐵板, 一放啲材料上去聽到吱吱聲就特别興奮
老公又超愛我依個新菜式, 一路食一路話好味
但係又驚第二日唔夠帶飯, 又想食但又敢唔食晒, 超搞笑

臘腸炒小棠菜 Baby Bok Choy with Lap Cheong

秋風起食臘味
除咗食臘味煲仔飯同生糯米飯之外, 仲可以試吓臘腸炒小棠菜
臘腸本身已經有好多油, 所以炒既時候唔需要落太多油
加番條菜感覺上健康d, 罪惡感都少d
不過始終臘腸係加工食品, 所以小食多滋味啦!!

菠蘿炒飯 Pineapple Fried Rice

泰式菠蘿炒飯就食得多, 之前都有煮過
不過西式煮法就係第一次
見到超市雜誌介紹又好似幾靚咁

椒鹽豆腐粒 Salt & Pepper Tofu

好邪惡既一碟小菜呀！！
其實用煎既方法都得既,不過之前炸過野有油剩, 兼且可以同媽咪鍋養下鍋
加上老公又鍾意食煎炸香口野
所以炸就炸啦, 間唔中肥一次都冇所謂啦

生菜包 San Choy Bow

 大家平時食生菜包係放咩餸嫁？
今次搞搞新意思, 放上雞肉碎,芽菜同米粉, 食既時候再點上青檬汁
感覺好清新, 好適合夏天食

魚粥 Fish Congee

 Sydney既天氣好恐怖,一個星期可以經歷晒四季
今日20度,聽日35度,後日又可以得返14度
搞到我既感冒一直都唔好
原本買咗魚柳返黎整糖醋魚,但係我已經冇精神搞咁多野,最後決定煲粥就算啦

螞蟻上樹 Ants Up the Tree

螞蟻上樹係一道四川名菜,香辣惹味,好適合送飯

老公一見到咁多辣椒就以爲我煮泰式

仲叫我下次試下用辣豆瓣醬煮泰式炒飯,唔知得唔得呢？

松子粟米炒雞粒

材料：
松子     100g
粟米     300g
雞肉     200g

無水蒸魚

細細個我就已經好鍾意食魚
曾經豪言大個要嫁個賣魚佬, 咁我就可以日日有魚食!!

鴛鴦飯 Yin Yang Rice

 

最近食得太多野啦

大家既tummy都不斷變大, 好似有咗幾個月咁
再唔節制吓就真係要買過晒d褲

北菇滑雞飯

第一次用LC煮飯大成功

真係可以煮到粒粒分明, 而且重有飯焦

兩個人差唔多食晒兩杯米, 雞肉又滑
落埋煲仔飯豉油就真係人間極品

無水蒸雞翼

身處係落後南半球既我
終於都一嘗無水蒸既威力
其實平時我好少蒸野
因為我d鑊唔夠大, 隻碟同個鑊差唔多大細, 加埋倒汗水,拎出黎個時都好呢hea