蛋包蕎麥麵 Omusoba

三月頭有一日突然有個新諗頭
不如一星期有一晚食素, 唔好餐餐食肉咁唔健康
不過哩句說話出自一個唔食菜既人口中, 可信程度真係好低
到目前為止都止係成功煮咗三次.....

之前試過蛋包飯, 今次試蛋包蕎麥麵
蕎麥麵喎, 仲要係organic, 仲有椰菜, 蘑菇同紅蘿蔔絲,夠健康啦
老公食到一半就話可唔可以煮多隻蛋, 因為啲汁太好味啦!!
不過跟住佢又話, 咩今晚唔係vegetarian night咩, 點解會有蛋???
吓??蛋又唔係肉,點解唔食得?? <-- 好無知既我
因為蛋係雞生出嚟啦!!
有道理喎, 但係蛋真係唔係肉喎 <-- 知識好貧乏
咁vegetarian咪唔飲得奶?? <-- 推理邏輯好強
咁又唔係, 因為奶係牛既wee wee ......
老公你耍嗎!!!!!!!!
我應該相信vegetarian唔食得蛋嗎??
Google一下原來有vegetarian會食, 有啲就堅持唔食, 奶都係一樣

Yakisoba sauce:
喼汁鰹魚粉豉油
蜜糖

自己調好味後淋上蕎麥麵再煮熱即可

P.S. 奶奶當然就唔係牛牛既wee wee啦