陽光海岸 Sunshine Coast

上星期用兩張免費機票去咗個極速一日半之旅兼行個大運
基本上一日半都做唔到啲咩, 所以我地決定全程留係resort到玩
今次既目的地係係Maroochydore 既Twin Water Resort, 離機埸只係5分鐘車程



Gold Coast係旅遊勝地, 相信大家都聽過, Sunshine Coast就比較寧靜, 但係環境絶對唔會比gold coast差, 所以好多local都選擇黎呢到渡假

而的確我地只係見到幾個中國人(唔好話香港, 要係澳洲搵個冇咩中國人既地方都唔易)
由於已經過咗school holiday,所以酒店都唔算貴, 而且仲免費upgrade咗

Resort裡面都有好多野玩架

其中kayak 同wind sailing都係免費, 平時係出面玩最少都要$20一個鐘, 所以基本上只係玩呢兩樣已經值回票價
Kayak 就比較吃力, 划極都好似唔識郁
但係wind sailing 就超好玩, 只要揾到個風位, 基本上唔洗郁都會極速前進

每日兩點仲有餵魚時間, staff會畀啲魚糧你, 啲魚就好似識睇時間咁係到等食, 佢地仲會係你腳邊游黎游去, 而我仲畀個細路叫我唔使驚....

玩咗三個鐘我已經畀個太陽吸晒我既精力, 返去瞓個晏覺(相信對香港人黎講完全係浪費時間), 瞓飽就去醫肚

今次仲包埋早餐, 種類都唔少, 除咗呢d之外仲有pancake, waffle, fruit 同一大堆麵包

食完就去沙灘行下, 仲有三項鐵人比賽

酒店大堂掛左幅相, 原來英女王係2002年都黎過

今次既旅程雖然極短又冇行程, 但係玩得好開心同好relax, 等下次有假期都會再黎多次!