婚禮DIY之Table No. & Menu

無啦啦又回到婚禮篇
相信好多女仔雖然勞作唔叻, 但係為咗有個獨一無二既婚禮
就會不停上網參考,炒吓
尋日見到lei個好, 今日又覺得嗰個都唔錯
就係咁一直都決定唔到
籌備緊婚禮既你, 希望你唔好好似我咁猶豫不決

只係個Table No. & Menu我已經改過三四次
一開始只係諗住簡簡單單,好似中式酒樓咁擺張卡紙
一面寫枱號,一面寫菜譜 <--- 好冇新意啫

首先枱號方面,我地最後決定用我地曾經去過既市命名, 然後放張係嗰個city影既相

一來可以證明我地愛遍全世界 (咁又未之於全世界)

二來可以幫賓客製造話題, 你知啦婚禮流流長,有時可能講到冇野好講

咁不如講吓旅行啦,總會有啲有趣既事發生嗎

至於Menu方面,西式通常都會係一人一張

咁我又覺得冇必要 (好明顯係想慳錢啦)

橫掂個相架有兩面, 咁另一面就放Menu啦

其實個人覺得張枱愈少野愈好, 如果唔係吓吓食野,拎起個酒杯都驚整跌啲野

下次講吓回禮idea啦!!