中華冷麵

終於都感覺夏天來臨啦
不過係毫無先兆下，一嚟就熱到過30度
今日同聽日最高會有40度
不過我依然諗住聽日一早去沙灘呢... hahaha

天氣咁熱，最好就係食凍野
第一時間就諗到冷麵
（其實除咗冷麵我已經諗唔到第二樣）
簡單方便，只要張材料全部切絲，鋪上拉麵（今次用咗細關東麵,好彈牙呢)
再淋上冷麵醬汁就得
今次買咗現成日式冷麵醬，酸酸地好開胃，老公大愛

雞肉凱薩沙律 Chicken Ceasar Salad

上個星期日掛住煲劇, 明明買咗餸都唔去煮
所以就要Honey老公出馬
全程我都冇幫過手, 半個鐘頭後Honey就話"you are so lucky today!!"
嘩!!嘩!!嘩!!
除咗"嘩"之外, 當然就係食曬佢啦
間唔中有人煮一餐畀我食，感覺真係好幸福哦

日式調味醬炒麵

之前留意到有blogger成立咗個深夜食堂煮婦同樂會
十幾個愛好煮野既blogger每星期約好煮堆同一款餸，感覺好得意
噚日我又貪得意煮咗個調味醬炒麵，味道都唔錯呀
而我就落咗雞肉，紅蘿蔔＆蘑菇
十五分鐘就食得!

啖啖肉

噚日味食飯先畀蚊咬咗啖
又紅又腫又痛
臨瞓前攤係張床到做咗個好痛苦既表情
由於前車之鑑，Honey一見我有咩唔舒服就會好緊張
女人嗎，有人錫當然開心啦，
不過我都係唔想畀蚊咬呀

結婚相

終於都收到結婚相啦!!
外國唔似香港, 我地係結婚當日先影結婚相
睇相之前我係勁興奮,點知一睇...
點解d preparation & tea ceremony 既相一d 都唔掂...
但係一到location shoot, 當堂開心曬!!
氣球同個綠色背景超襯
每睇一張又會諗返起當日既情況
就係咁,個二千張相一睇就睇咗兩個鐘
我地仲要揀相去放大同放入相簿
唔知一個weekend做唔做得曬呢?

完美婚禮

完成咗人生大事, 終於都有時間寫Blog啦
結婚當日十分完美, 比我想像中更Perfect!!
(收到相後再同大家分享)
不過唔知係咪結婚當日用曬d luck,
三個星期既Honeymoon竟然有兩個半星期都係落雨
係Europe只係見過三四個鐘頭陽光
返到香港Honey又病咗
以後去旅行都係唔好去太多地方
又要適應時差, 係飛機瞓唔到之後又要補瞓