蘿勒青醬意粉 Pesto Pasta

上星期行超市時見到Jamie Oliver既意粉半價, 一包只係$1.3 (hkd$10), 即刻買番兩包試下有咩咁特别

近年Jamie提倡健康飲食, 而我就決定follow佢既宗旨, 一於用佢既pasta煮返個素意粉

韓式涼拌菠菜 (超懶人版)

相信係眾多韓式小食裡面, 涼拌菠菜應該係最簡單一個
本來都打算自製麻醬, 不過見雪櫃仲有支日式麻醬, 咁就索性用埋佢

呢支日式麻醬超好味, 真係要大大力推薦！

焗海鮮墨汁意大利飯 Baked Seafood Squid Ink Risotto

最近發現一間專門賣高級食材店舖, 裏面有好多食材係外面係買唔到, 例如有squid ink, truffle oil, pearl sugar...
第一次見有Squid Ink賣, 所以就買咗兩小包返黎玩, 計畫一包用黎煮risotto, 另一包就整pasta

買既時候老公冇出聲, 煮好後就話黑炆炆有啲驚, 仲專登用隻深色碗食, 咁就睇唔到自己食緊咩...

泰式紅咖喱牛肉 Thai Red Curry with Beef

煮牛肉比煮鴨更放便, 更快捷

30分鐘就有得食, 味道絕對唔會比外面差, 真係愛C藍象

唯一一個問題就係個醬太勁, 煮既時候有啲攻鼻, 而且成間屋都會充滿住濃濃既咖喱香味, 所以煮既時候記得要打開窗同關房門呀！

泰式紅咖喱鴨 Thai Red Curry with Duck

繼上次青咖喱雞翼大受歡迎之後, 決定試埋藍象紅咖喱
由於實在係太好味, 試完鴨之後再煮牛肉, 兩者所用既材料和煮法大同小異
今次仲分別試咗用椰奶同椰漿, 用椰漿煮出黎比較杰, 但係撈飯食比較好味, 我同老公都比較喜歡用椰漿

紅油炒手 Dumplings in Chilli Oil

最近兩次出街食上海野都有叫紅油炒手
第一次係辣椒油湯加雲吞, 一睇個樣已經心之不妙, 雲吞淡而無味, 個湯雖然有好多辣椒粒但係依然係唔辣, 一啲都唔正宗

第二次食就正宗得多, 仲加咗好多青瓜絲同麻醬試圖中和啲辣味, 但係依然係辣到飛起, 就算用茶沖沖都係辣到食唔到

既然係出面食唔到啱自己口味, 咁就要自己出手煮啦！

台式滷肉飯

最近<食平DD>大熱, 我當然唔執輸集集都睇晒

佢煮既野唔複雜, 材料份量都好隨意, 最緊要就係一路煮一路試, 試都啱自己口味就ok

其中有集煮咗滷肉飯, 諗起之前都有煮過, 不過就係滷肉麵

見到廚櫃有木耳, 所以今次就用木耳絲代替筍絲, 食落好爽口

泰式梅子鴨 Duck in Plum Sauce

其實我都唔知佢算唔算係泰國菜, 不過我只係係泰國餐廳先見到佢, 個汁甜甜地, 送飯一流

之前千辛萬苦先搶到返黎既半價鴨(半價後一隻只需要$11！！), 兼人生第一次煮鴨, 雖然同餐廳既仲差咁啲, 不過係絕對成功既！！當然老公例牌都會好俾面咁話好食過出面啦 :)

復活節小小敗家篇

哈哈哈... 又係廚房野...

雖然廚房已經接近爆炸... 不過依然係買極都仲有好多野想買

最近睇咗<食平DD>, 見到部整麵機即使時相眼發光, 只要㩒個掣幾分鐘就整好

我就即時上網睇睇, 不過一見到賣$2880就冇晒興趣, 又見到有人話冇搓過既麵團食落唔彈口, 有人試食過嗎?

泰式青咖喱雞翼 Thai Green Curry Chicken Wings

終於都有機會試咗包藍象咖喱, 開咗包青咖喱醬一次過整咗青咖喱炒飯同雞翼, 三個字
正！正！正！
d咖喱都幾辣, 怕辣既就要落小啲, 又或者加多少少青檸, 酸酸辣辣好開胃

杞子雲耳滑雞煲仔飯

杞子雖然唔係咩名貴食材, 不過佢既營養價值非常高

杞子含有豐富的枸杞多糖、脂肪、蛋白質維他命B1、維他命B2、維他命C、維他命E及多種微量元素,有助提高身體的免疫力

而當杞子遇上...

菊　花：加強明目功效，又能緩和杞子燥性

紅　棗：加強健脾養血功效，尤適合血虛人士

圓　肉：加強養血安神功效，尤適合血虛失眠人士

玫瑰花：可疏解肝氣，又能美容祛斑，活血調經

咕嚕肉 Sweet and Sour Pork

唔知點解啲鬼佬好鍾意食sweet and sour pork 同honey chicken, 每次去餐廳同food court都例牌叫到人食, 可能因為係炸野同啖啖肉啦
老公都好鍾意食, 不過當佢見到我呢碟第一句就話點解唔係炸既？？？

鐵鑄鍋雲吞雞

沙鍋我就無, 鐵鑄鍋就一大堆
邊樣好味d我就無硏究過, 但係我覺用staub煲湯比高速煲更入味
只係煲大半個鐘已經好似煲左兩三個鐘咁, 好適合我呢d放咗工要煮飯既偽少奶奶用

承傳咗爸爸既絕技, 我包既上海雲吞都算睇得又食得, 老公仲話呢個係我既signature dish!

越洋廚房敗物

最近有貴賓到訪, 所以少咗時間寫blog
不過有客到就當然有禮物收

上年返香港既時候撞啱LC開倉, 成功令媽媽同家姐中毒, 今年冇緣去開倉, 不過家姐都買咗野畀我

老公一直都話staub靚過LC, 上年聖誕送咗個staub24cm畀我, 一試之後發現佢既performance真係好過LC

日式咖喱炸雞排飯 Chicken Katsu Curry

我都唔明點解食日本野要咁貴
就算唔係食魚生, 壽司, 只係普通食下烏冬, 親子丼都唔平
就好似我呢碟出面食至少都$12 (~hkd$84), 唔好彩既仲要食着一舊又乾又燶既炸雞

自己煮雖然要時間又要洗, 不過同一個價錢已經可以煮到四碟啦！
而且有時出下d小古惑, 自家煮絶對唔會輸比餐廳

Hamburger Cupcake

呢個hamburger cupcake係上youtube到學, 非常之簡, 像真度極高, 好玩又好食
整好之後拎咗去朋友屋企開party食, 大家都好鍾意, 連個兩歲小朋友都好畀面食咗個

廚房敗物

自從四年前搬入新屋之後我就瘋狂愛上入廚, 而敗物就由衫褲鞋襪變成廚具, 廚具同廚具！

首先有Jamie Oliver既serving board, 話明係serving board, 所以只會係用黎擺盤影相, 唔可以用黎切架！擺得靚靚食都食得開心啲

韓式烤牛肉 Beef Bulgogi

以前久唔久出街食都會叫beef bulgogi
不過自從試過呢隻醬之後就再冇係出面食過, 因爲實在太簡單, 自己煮更加好味！
係數字屋正價大約$13, 估唔到運到黎澳洲都係差唔多價錢, 一樽仲可以煮幾次, 非常抵

Wagyu Steak My Day

某日正當我地諗緊晚餐食咩好既時候, 經過一間連鎖式快餐店有新産品好似好好味咁
即刻同老公講我要食！

韓式辣魚片

呢個就係我至愛既辣魚片啦！
其本上凈係用佢黎送飯都冇問題

涼拌大豆芽

每次去韓國餐廳最興奮就係食嗰d一碟碟既前菜
除咗泡菜係一定會有之外, 其餘5碟都會有唔同
最鍾意就係食辣魚蛋片, 昆布, 薯仔沙律, 大豆芽, 同埋一個白色啫喱狀既物體
有時都會因爲想食個款前菜而決定去邊間到食, 而且前菜仲係任食任添！

蒜蓉粉絲蒸開邊蝦

以前我好怕蒸野, 一來要用個大鑊, 放咗個鑊係爐面基本上其他爐頭都用唔到
二來煮好之後勁多蒸氣, 拎隻碟出黎既時候成日都辣親手(<---好明顯我唔係主婦)
不過自從學識用LC buffet做無水蒸之後, 煮蒸既餸菜係多咗
而且蒸餸唔使落油, 功夫又唔多, 真係健康又方便

部隊鍋 Budae Kimchi Jungol

 

以前打杖既時候啲韓國士兵冇野食, 就會就取材見到有咩就食咩, 最後放埋一鍋滾熟佢, 就成爲咗部隊鍋

而我就好想試下又有甜既茄汁豆, 又有kimchi同辣椒醬, 加埋一齊會係咩味呢？所以就專登去買材料整黎食

呢個部隊鍋都好邪惡下, 因爲裡面既材料都冇咩營養, 但係偏偏冇營養既野就最好味
不過今次買唔到午餐肉, 又唔想食煙肉, 所以就用火腿代替, 再落咗好多豆腐同椰菜, (自我感覺)健康咗好多

蜜糖雞胸肉配哈羅米芝士 Chicken with Haloumi and Honey

 

大家平時煮一餐飯需要幾多時間？
平日放工返到屋企都差唔多7點, 而我就希望可以係7點9前開餐, 始終太夜食唔太健康
所以平日都係以簡單爲主, 放假既時候先黎搞大龍鳳, 有時真係可以係廚房企足成日, 真係辛苦過返工, 不過當然係好開心啦
今日介紹一個30分鐘就食得既晚餐, 而你需要煮既時間只係需要5分鐘, 準備好就可以坐低等食, 絶對適合平日煮!

肉丸意粉 Meatball Pasta

肉丸意粉食過好多次, 每次都係唔知煮咩就買盒肉丸返黎, 淋上汁撈埋落意粉到就得
今次落手落腳自製肉丸, 其實都只係多10分鐘功夫, 非常簡單
現成肉丸啲肉比較實同味道較淡
但係今次啲肉丸就好bouncy, juicy同 full of flavour (以上都係老公既評價哦)

所以要食好野真係唔可以偷懶, 同埋用新鮮材料都好重要！

迷迭香焗薯 Roasted Potato & Pumpkin with Rosemary

某日老公話有時會買roasted vege加chicken breast做lunch, 叫我又試下煮
你出到聲就好啦！有煮開飯既人都知道諗食咩有時係一件好痛苦既事, 而且我又堅持每日都要有新菜式
一來要挑戰自己, 二來我希望日日有驚喜

煙肉芝士熱香餅 Savoury Pancake

一講起pancake就會聯想到甜品, 最好就係一塊熱辣辣既pancake, 上面加一球雲尼拿雪糕, 再淋上朱古力漿, 加多幾粒walnut就更正

但係原來鹹食都一樣甘好味

Prawn, Watermelon & Avocado stack

最近買咗個food ring, 想試下好似啲高級餐廳咁將啲食物搭高高
將啲食材放上係有啲難道, 尤其當上面越重下面就開始散, 所以一定要小心輕輕力放上
除此之外呢個食譜真係又簡單又好味

蝴蝶粉配忌廉乾番茄青醬 Farfalle with Chicken in Sun-dried Tomato Pesto and Cream Sauce

第一次食Sundried tomato pesto, 裡面有sundried tomato, oil, capsicum, cashews, garlic, pinenuts, lemon juice and spices, 蕃茄味好香, 再加上濃濃既忌廉, 呢個組合一定唔會有錯

土耳其夾餅 Gozleme

大家有冇食過Gozleme呀？唔知Gozleme係香港興唔興呢？
係澳洲都幾受歡迎, 每逢有street market或者嘉年華都會見到佢
一份都賣成$10(～hkd$70), 料唔多, 食完又唔多飽, 但係依然好多人排隊買

其實自己做都好簡單,成本又唔高, 而且無論你用羊肉, 牛肉, 豬肉, 雞肉都一樣好味

最估唔到原來個皮係用麵粉同yoghurt做成, 食既時候都食唔出, 老公係咁估加水加奶, 就係估唔到用yoghurt

啤酒炸蝦 Guinness Battered Prawns

雖然我唔飲酒, 但係久唔久都會用酒黎煮野

煮得最多就係用白酒煮risotto

用啤酒煮都係第一次, 老公好鍾意食, 但係我就覺得太苦, 下次可以落少d Guinness

Eggy Brekky Heart

 大家有冇食早餐既習慣呀？
由細到大媽媽每日都會準備早餐畀我, 大個咗之後有時都會偷懶唔食, 但係一有時間就會煮得豐富啲
其實只要時間預得好d, 早起15分鐘就可以有個豐富又有營養既早餐
總比外賣炒麵腸粉, 或者muffin咖啡好

韓式香煎豬肉 Jaeyuk Gui

 大家有冇中晒"星星"毒呀?
我就好怕續集續集等, 所以都係佢做完先一次過睇
不過近期我就愛咗睇"爸爸去那兒" (真好out....)
啲小朋友勁可愛又搞笑, 唔知幾時會有第二季睇呢?

材料：
五花腩 (切條) 500克
白酒                1湯匙
韓國辣椒醬    2湯匙
辣椒粉            1湯匙
蒜蓉                1湯匙
薑蓉                2茶匙
豉油                1湯匙
麻油                1茶匙
糖漿                2湯匙

做法：
1. 五花腩用白酒醃5分鐘
2. 將其他材料混合, 加入五花腩醃半小時
3. 用中火將五花腩煎熟, 轉小火加蓋煮10分鐘至汁料變杰, 即可

酸辣湯麵 Shanghainese Hot & Sour Soup

有時老公出街食飯, 試過d咩好食, 又或者見到餐牌幅圖好靚就會問我識唔識煮呀, 可唔可以下次煮畀佢食
老公真係太睇得起我, 但係我又衰, 成日都唔記得煮, 搞到佢個wish list越來越長

酸辣湯係我地每次去食上海野都一定會叫, 通常一碗要成5,6蚊, 今次煮咗一大鍋都只係10蚊到, 加個上海麵就可以當正餐咁食

老公仲清晒成鍋, 一滴都冇剩！

終於可以係個wish list到删走酸辣湯啦啦啦...

香草牛油燒粟米 Herbs & Butter Grill Corn

近排澳洲既天氣反常, 日日都天陰陰又凍
夜晚返黎拎住支又甜又juicy又熱辣辣既燒粟米就最好不過啦!

陽光海岸 Sunshine Coast

上星期用兩張免費機票去咗個極速一日半之旅兼行個大運
基本上一日半都做唔到啲咩, 所以我地決定全程留係resort到玩
今次既目的地係係Maroochydore 既Twin Water Resort, 離機埸只係5分鐘車程



Gold Coast係旅遊勝地, 相信大家都聽過, Sunshine Coast就比較寧靜, 但係環境絶對唔會比gold coast差, 所以好多local都選擇黎呢到渡假

日式酥脆豚肉

話説今日出去食晏既時候見到某銀行有遊戲玩, 係10條鑰匙裡面擇1條, 開到對門既就可以贏$15,000, 會有15個幸運兒可以得奬
當時好多人排隊就冇理到
之後老公打黎我就同佢講有得贏$15,000
老公就話十份之一機會好易中喎, 你快d去玩啦, 希望你再打電話黎既時候係同我講你中奬

好啦甘我就去登記玩
上到台擇咗條鑰匙, 放入門, 令右

鰻魚釜飯

啲營養師成日都話煲仔飯多肉少菜唔健康, 加上煲仔飯豉油多鹽粉, 所以都係少食多滋味
釜飯就好似煲仔飯, 雖然都係要落豉油, 不過裡面加咗好多蔬菜
將啲菜切到細細粒, 食咗都唔多覺, 最啱好似我呢啲唔鍾意食菜既人

鯉魚椰汁年糕

 太可愛!實在係太可愛啦!
上次返香港行過上海街見到有鯉魚模就忍唔住買個返黎玩下
等咗幾個月終於可以用佢啦!

噚日捉住老公要佢陪我玩, 每人整3條
嗰條搽咗唇膏既就係老公既傑作啦

香辣可樂雞柳 Cola Chili Chicken

由於買唔到罐裝可樂, 於是就買咗枝2L返黎
原味既太甜所以我地已經戒飮咗好耐
正當我諗緊點消滅佢好
我：整可樂雞翼都好喎
老公：咩你今晚唔係整雞翼咩？
我：唔係呀, 今晚整雞肉
老公：哦...即係你仲可以買雞脾,雞胸同雞腳...

泰式班蘭葉包雞 Pandan Chicken

新年快樂呀!!!

新既一年當然要有新菜色

加上老公買咗張Bar Table放係Sunroom到

以後夏天就可以一邊食晚餐一邊睇日落, 好寫意呢!

(不過噚日煮得太慢, 煮完太陽伯伯已經落咗山lu...)