急性風癩

基本上黎咗澳洲後每年我都會大病一次,希望今次係今年既唯一一次啦
因為噚日我真係有一刻以為我會死....
不過又因為甘令我認識到風癩依個病
事源噚朝11點正準備出街食野,突然間周身痕,搭lift時見到塊面好似畀蚊咬到腫左一塊塊
所以就返上樓淋身,再照鏡時見到成面同身都又紅又腫,超恐怖
我驚到喊起上黎,Honey就話帶我睇医生,我就話要去Hospital
去到半路我開始睇唔到野,所有野都变到越來越白,又听唔到,作嘔同呼吸困難
我地兩個都好緊張,仲觉得我會死
一去到医院,我自己打開門落車之後就暈左,醒返後就發現係張病牀到
做咗一大堆檢查,抽血,量血壓,血糖,check咗個心,食咗藥,又吊咗包鹽水
留咗兩個鐘医生話我冇野就走得
點知食完lunch後就好返lu

P.S. 風癩個風係解佢擴散得好快, 好似我咁由生到暈前後都只係45分鐘, 所以係同吹風冇關!!

豪華版早餐

早餐真係好重要,唔食既話好似周身唔自在
不過食早餐真係一個習慣嚟,如果你唔係細細個就食開
大個咗請你都食唔落
前一晚預備咗egg salad同tuna salad, 再加啲生菜
食完都覺得自己健康咗

黑仔日

正所謂十指痛歸心, 噚日我先傷手指又傷腳指
朝早係公司經歷咗有史以來最嚴重既papercut 之後
夜晚又畀蚊咬到隻腳指公腫曬
最可惡係honey話我injure佢都好慘ga,因為佢要洗碗...........

今日個傷口好似腫咗咁,睇嚟今個星期都有excuse唔洗洗碗lu

肉丸意粉 Meatball Pasta

今晚Honey約咗班豬朋狗友食飯+Bowling
我就自己一個係屋企happy, 等佢知道唔返黎食係佢既損失... wahahaha
之前講過話想學整蛋糕,噚日上網見到有個8 weeks cake decorating course, $180 + tools + ingredient
見佢得番2個位, 我就即刻拎credit card 出黎enrol咗啦!! (女人買野有時真係諗都唔諗)
不過我唔會後悔!! 唯一唔好就只係夜媽媽9點上完之後, 仲要天寒地凍坐45分鐘火車返屋企....

心情特別好的一天

噚日係end of daylight saving,即係慢咗一個鐘,感覺上好似多咗好多時間
最重要係瞓多個鐘, 今朝連鬧鐘味響我就已經醒咗
好耐都味試過咁晴神, 仲有時間煮返個雲吞做早餐
不過去到train station既時候就發現唔記得帶train ticket....
但係都冇破壞到我今日既大好心情
原來睡眠時間同質素真係好影響心情嫁!!!